Nasionale Dag van Swede

Volgens 'n verordening uit die jaar 1983 is die datum van 6 Junie as Swede se Nasionale Dag (Sweeds: Sveriges nationaldag) en Dag van die Sweedse Vlag (Sweeds: Svenska flaggans dag) vasgestel. Die vlagdag is reeds vanaf die jaar 1916 gevier, terwyl die Nasionale Dag in 2005 tot openbare vakansiedag verklaar is. Tegelykertyd het die Tweede Pinksterdag (Sweeds: Annandag pingst) sy status as openbare vakansiedag verloor. Volgens 'n verordening uit die jaar 1996 is die Nasionale Dag tot een van ses nasionale saluutdae verklaar.